Проблемы решены

“Эх, дарогі…”
Мясцовыя дарогі, як і цэнтральныя, склада­юць важную частку ў гаспадарчай інфраструктуры краіны. Асаблівую вагу яны набываюць у маштабах асобнага раёна. Гэта своеасаблівыя артэрыі, што злучаюць гаспадарчы арганізм у адзінае цэлае. А каб ён дзейнічаў зладжана і належным чынам, дарогі мясцовага значэння неабходна ўтрымліваць у належным стане. На балансе Крычаўскага філіяла камунальнага ўнітарнага прадпрыемства па праектаванні, рамонце і будаўніцтве дарог «Магілёўаблдарбуд» «Дарожнае рамонтна-будаўнічае ўпраўленне № 198» знаходзіцца 104,5 кіламетра аўтадарог з гравійным пакрыццём і 109,6 кіламет­ра грунтавых. Якія работы вядуцца для падтрымання іх у належным стане, расказаў начальнік арганізацыі Вадзім Няверка:

— За перыяд з 20 красавіка па 18 мая адпрафіліравана 75,19 кіламетра дарог, што складае прыблізна 30 працэнтаў ад патрабуемых работ. Зас­таўшыеся 70 працэнтаў дарожнага палатна, дзе патрабуецца прафіляванне, будуць апрацаваны за май і чэрвень. На сённяшні дзень ідуць работы па бягучым рамонце — умацаванне гравійнага пакрыцця на дарозе Лучкі-Юркаўка-­Зайцава Слабада працягласцю 3,1 кіламетра.
— Гэта што тычыцца грунтавых і гравійных дарог. А якія мерапрыемствы праводзяцца на дарогах з асфальтабетонным пакрыццём?
— На сённяшні дзень вядуцца работы па вуліцы Ціміразева. Гэта вуліца, якая з’яўляецца пачаткам нашай дарогі, знаходзіцца ў дзяржпраграме. Тэрмін заканчэння работ – ліпень. Але ліпень — гэта ўвогуле. Што тычыцца пешаходнай дарожкі, узнімалася такое пытанне, то яна будзе выканана за май-чэрвень, гэта зна­чыць, раней устаноўленага тэрміну. Таксама ў гэты час па асноўных напрамках дарог вядзецца ямачны рамонт. У самым дрэнным стане дарога Крычаў-Ходасы-Курманава. Гэта маляціцкі накірунак, ажыўленая траса. Адтуль паступае шмат нараканняў і скаргаў на стан дарожнага палатна. Па меры магчымасці выконваем заяўкі. Ужо прыступілі да ямачнага рамонту гэтай дарогі.
Адзін з наступных аб’ектаў, запланаваных на бліжэйшы час, – дарога на Лабковічы. Неабходна прывесці ў належны стан адгалінаванне з асфальтабетонным пакрыццём ад дарогі Крычаў-Орша-Лепель у бок гэтай вёскі працягласцю 780 метраў. Увод участка плануецца ў канцы мая-пачатку чэрвеня. Ёсць у нас яшчэ і дарога Крычаў-Беліца, на рамонт якой выдзелены сродкі. Адпаведна заданню, за ліпень-кастрычнік трэба ўкласці на ёй асфальтабетонае пакрыццё працягласцю 3,6 кіламетра. Але гэтыя работы будуць весціся не ў адным месцы, скажам так, не адным кавалкам, а ўчасткамі, дзе патрабуецца неадкладны рамонт. Такім чынам, самыя зношаныя ўчасткі будуць вызначацца на месцы калегіяльна, з удзелам прадстаўнікоў заказчыка, тэхнагляду. Акрамя работ канкрэтна на дарожным палатне, мы праводзім і іншыя. У прыватнасці, на дарозе Дарагая-Волчас-Цінькава плануецца абуладкаванне прыпыначнай пасадачнай пляцоўкі і ўстаноўка павільёна аўтобуснага прыпынку.

 

Шахтный колодец  отремонтирован
В районную газету обратилась жительница с улицы Зои Космодемьянской М.И. Лубенько с просьбой помочь отремонтировать шахтный колодец.
Директор УКПП «Коммунальник» Олег Халимоненко, куда обращение было направлено для принятия мер, сообщил: «…в дополнение к ранее предоставленной информации (работы по ремонту будут произведены позднее – Ред.) сообщает, что работы по благоустройству шахтного колодца (укреп­ление стоек колодца, оснащение ведром), расположенного между домами №№ 12 и 14 по ул. Зои Космодемьянской, выполнены».

 

«Ёсць за што
дзякуй сказаць…»

Дом № 20 па вуліцы Механізатарў стары, пабудаваны быў, напэўна, больш за 60 гадоў таму. Не дзіўна, што час ад часу ў ім узнікаюць нейкія непаладкі. Аднойчы ў даху над кватэрай № 8 утварылася дзірка, як сказала гаспадыня Н. Лычова, гэткае акно ў неба. Праз яго падчас дажджу вада трапляла ў жылое памяшканне. Жыхары самі, як маглі, закрывалі дзірку. Але вецер час ад часу адкрываў яе зноў. Гаспадыня кватэры і вядро падстаўляла, іншыя прыстасаванні — неяк спраўлялася з бядой. Так цягнулася даволі доўга. Сёлета лета было з вялікімі дажджамі, і столь добра-такі стала працякаць. І вось пасля чарговага заліўнога дажджу напрыканцы жніўня гаспадыня не вытрымала і пайшла на прыём да дырэктара УКВП «Камунальнік» А. Халімоненкі. Кіраўнік прыняў Наталлю Аляксееўну добра, уважліва. Даведаўшыся пра бяду наведвальніцы, запэўніў, што ўсё будзе выпраўлена. І сапраўды, у хуткім часе да дома прыехалі камунальшчыкі. Абследавалі дах, патлумачылі гаспадыні, што шыфер на доме стары, калі вось зараз гэтую дзірку пачаць залапліваць, то ён пасыпецца ўвесь. Таму трэба перасцілаць усё па-новаму. Запэўнілі, што будуць старацца зрабіць работы як мага хутчэй, але пакуль патрабуецца трошкі пачакаць, таму што рамонт паза­планавы. Увесь гэты час, пакуль з’явілася магчымасць адрамантаваць дах, камуналь­шчыкі не пакідалі гаспадыню кватэры па-за ўвагай. Ёй даслалі чатыры лісты, званілі — тлумачылі абставіны, а майстар Наталля Сікорская нават прыходзіла асабіста. У лістападзе на двор дома прывезлі новы шыфер, і страхары Юрый Міхайлаў, Сяргей Казлоў, Мікалай Цішко хутка і надзейна перакрылі ў патрэбным месцы дах. І не толькі дзірку над кватэрай № 8, а амаль да суседняга пад’езда. Зараз Наталля Аляксееўна шкадуе, што не пайшла ва УКВП «Камунальнік» раней — ужо даўно гэтай праблемы ў яе не было б. А то ж, як цяпер кажа яна з палёгкай, людзі чакалі дажджу, каб ён градкі папаліваў, а яна малілася, каб дождж не пайшоў. Наталля Аляксееўна вельмі ўдзячная работнікам камунальнай службы за ўвагу і разуменне.
«Разумееце, настолькі была прыемна здзіўлена такой увагай! — зазначае яна. —
Нічога не скажаш, сама упэўнілася, што працуюць камунальшчыкі сумленна. Ёсць за што дзякуй сказаць, дык трэба і сказаць».
С. ДЗМІТРЫЕЎ.