Чаму дзіцячы сад № 19 лепшы ў Крычаве

Тое, якім чалавекам вырасце дзіця, шмат у чым залежыць ад яго дзяцінства. У наш час ранняе дзяцінства праходзіць не толькі дома, але і ў дзіцячым садзе. Яслі-сад № 19 заўсёды на перадавой, яго па праве лічаць адным з лепшых у раёне.

Установу наведвае 227 дзяцей. Усяго дзейнічае 12 груп, дзве з якіх ясельныя, яшчэ адна – спецыяльная, для дзяцей з цяжкасцямі ў навучанні, і адна інтэграваная – для дзяцей з цяжкімі парушэннямі маўлення. Працуюць ва ўстанове 64 супрацоўнікаў, з іх 31 – педагог. Загадчыца дзіцячага сада Алена Максімава расказала аб калектыве:
– Зараз у нас працуе два маладых спецыяліста. З чатырох, якія прыйшлі раней, трое замацаваліся на месцы, а гэта доб­ры паказчык. Калектыў неверагодна твор­чы і працаздольны. Пастаянна ўдзель­нічаем у конкурсах раённага, абласнога і нават міжнароднага маштабу. Асабліва мы ганарым­ся выхавальніцай Алінай Лаўрынен­ка, якая перамагла ў раён­ным этапе і стала лаўрэа­там зак­лючнага этапу конкур­су «Прызван­не – педагог». Дыплом абласнога этапу конкурса «Настаўнік года» атрымала выхавальніца Іна Жандарава. Настаўніца-дэфектолаг Таццяна Адынец пастаянна ўдзельнічае ва ўсіх міжнародных конкурсах, канферэн­цыях, публікуец­ца ў розных спецыялізаваных зборніках. Яна ж з’яўляецца кіраўніцай раённага метадычнага аб’яднання. Ва ўстанове працуе яшчэ трое кіраўнікоў МО: Святлана Антош­кіна (музычная кіраўніца), Таццяна Петушкова (педагог-­псіхолаг) і Стражнікава Алена (выхаваль­ніца). Таксама ў нас працуе кіраўніца школы станаўлення маладых педагогаў Ала Ціткова.
У 2020 годзе пяць педагогаў установы былі ўзнагароджаны граматамі аддзела па адукацыі райвыканкама і шасцёра – па­дзячнымі лістамі ад начальніка аддзела, адзін педагог – падзячным лістом ад Прэзідэнта.
– Вялікую ўвагу мы ўдзяляем двум важ­ным пытанням: захаванню і ўмацаванню здароўя дзяцей і стварэнню бяспечных умоў іх знаходжання ва ўстанове. І нам ёсць чым ганарыцца: ніякіх траўмаў у нас не было – ні дробных, ні буйных.
У дзіцячым садзе аказваюць і разнастайныя платныя паслугі: «Мазаіка» (мас­тацкая творчасць), «Вясёлыя далонькі» (развіццё дробнай маторыкі рук), «Бэбіфіт» (фітнес), «Вясёлка талентаў» (харэа­графія). Нядаўна арганізавалі «Маміну школу»: прыходзяць мамы з дзецьмі да 3 гадоў, якія не наведваюць дзіцячы сад, з імі займаецца выхаваль­нік дашкольнай адукацыі, педагог-псіхолаг, музычны педагог. Толькі запусцілі аб’яднан­не «Тата, мама, зала»: вечарам на гадзіну бацькі могуць з кіраўніком фізвыхавання пагуляць і пазаймацца фізкультурай са сваі­мі дзецьмі.
– Мы любім нашых бацькоў, – працягвае Алена Вячаславаўна, – яны дапамагаюць нам у рамках апякунскага савета. Да 23 лютага і 8 сакавіка рыхтуем для іх падзякі, якія перадаем ім праз месца працы. Выдат­ная акцыя была ў нас да Дня маці. Дзеці зрабілі він­шавальныя паштоўкі, выхавальнікі прынес­лі хрызантэмы. І дзеці на вечаровай прагул­цы віншавалі мам: не сваіх, а ўсіх, якія прыходзілі ва ўстанову. Было вельмі кранальна.
Такі вялікі спіс заслуг і дасягненняў запэўнівае, што даверыць педагогам яслісада № 19 сваё дзіця можна не толькі без страху, але і з вялікай асалодай.

Дар’я Баравікова.
Фота з архіва яслі-сада № 19.

Добавить комментарий