Алімпіяда па фінансавай граматнасці

23 кастрычніка прайшоў раённы этап Рэс­публіканскай алімпіяды па фінансавай граматнасці сярод вучняў 10-11 класаў. Традыцыйна арганізатарамі мерапрыемства выступілі Нацыянальны банк Рэспуб­лікі Беларусь і Міністэрства адукацыі.
У сярэдняй школе № 8 сабраліся 23 вуч­ні, якія сталі лепшымі ў сваіх школах. Школь­нікам былі прапанаваны тэставыя задан­ні па тэмах асабістых фінансаў, наяўных грошай, зберажэнняў, падаткаў, дзейнасці цэнтраль­нага банка і інш. Таксама быў шэраг задач на разлікі і вылічэнні, якія тычацца фінансаў.
Усе вучні добра справіліся з заданнямі, і пераможцаў выбраць было цяжка. Вынікі раён­нага этапа наступныя: дып­лом I ступені атрымаў Канстан­цін Касцянкоў (11 клас, Бельскі ВПК дзіцячы сад–сярэд­няя школа), дыплом II ступені – Мац­вей Туравец (11 клас, сярэд­няя школа № 8), дыплом III ступені – Анастасія Верам’ёва (11 клас, сярэд­няя школа № 7). Перамож­цы атрымалі памятныя падарункі ад упраўлення Нацыя­нальнага банка па Магілёўскай вобласці і дыпломы. 20 лістапада іх чакае абласны этап у Магілёве, дзе вучні будуць прадстаўляць наш раён і змагацца за выхад у фінальны этап, які адбудзецца 18 снежня.
Дар’я Баравікова.