Дзверы для маладых заўсёды адчыненыя

Напярэдадні галоўнай для педагогаў Крычаўшчыны падзеі – раённай педагагічнай канферэнцыі – адбылася сустрэча старшыні раённага выканаўчага камітэта Андрэя Седукова з маладымі настаўнікамі, якія сёлета прыбылі ў раён па размеркаванні. Сем маладых спецыялістаў з пачаткам новага навучаль­нага года ўвальюцца ў кагорту настаўнікаў, каб на працягу сваёй працоўнай дзейнасці вучыць школьнкаў «разумнаму, добраму, вечнаму»…
Кіраўнік раённай выканаўчай улады пацікавіўся, як маладое папаўненне ўлад­кавала свой быт, магчыма, у іх ёсць якія пажаданні, пытанні. Дарэчы, сярод дзяўчат ёсць і тыя, хто родам з Крычаўшчыны. Пасля заканчэння навучальнай установы яны вярнуліся сюды, на сваю малую радзіму. І дай Бог, каб было так: дзе нарадзіўся, там і спатрэбіўся.

Маладым спецыялістам растлумачылі пра перавагі, якімі яны могуць скарыс­тацца, – атрыманне льготных крэдытаў на набыццё тавараў першай неабходнас­ці, жылля, пра атрыманне арэнднага жыл­ля і інш.
Старшыня райвыканкама Андрэй Седукоў прапанаваў маладым педагогам звяртацца ў райвыканкам, асабіста да яго, калі будуць узнікаць якія пытанні, прапановы. Дзверы райвыканкама заўсёды адчыненыя. І падкрэсліў па завяршэнні суст­рэчы, што асноўная мэта настаўнікаў – несці ў душы і сэрцы навучэнцаў усё тое добрае і цёплае, што дапаможа ім выхаваць дастойных грамадзян нашай незалежнай краіны.
Т. Лістапад.
Фота Уладзіміра Далецкага.