Дружалюбнасць дзяржаў і народаў

Перагаворы прэзідэнтаў Беларусі і Расіі Аляксандра Лукашэнкі і Уладзіміра Пуціна ў Сочы завяршыліся.
Сустрэча доўжылася больш як 4 гадзіны. Кіраўнікі дзяржаў абмеркавалі шырокі спектр пытанняў двухбаковых адносін, сітуацыю ў рэгіёне, сумеснае рэагаванне на выклікі, якія ўзнікаюць.
У сваіх заявах у пачатку перагавораў лідары краін пацвердзілі стратэгічны саюзніцкі харак­тар ​​адносін Беларусі і Расіі, нацэленасць на актывізацыю гандлёва-эканамічнага супрацоўніцтва, прыхільнасць ранейшым дамоўленасцям, уключаючы ўзаемадзеянне ў абароннай сферы. Размова таксама ішла аб поствыбарнай сітуацыі ў Беларусі і абстаноўцы на гэтым фоне як унутры краіны, так і за яе межамі.

Прэзідэнт Беларусі Аляксандр Лукашэнка падзякаваў расійскаму боку і асабіста Прэзідэнту Расіі Уладзіміру Пуціну за падтрымку ў паслявыбарны перыяд.
Кіраўнік беларускай дзяржавы адзначыў, што ў сваім уступным слове расійскі лідар адкрыта і даволі поўна закрануў пытанні цяперашняй сустрэчы ў Сочы. «Гэта правільна. Таму што як ніколі раней – я з-за пэўных акалічнасцей вельмі ўважліва сачу цяпер за публікацыямі ў розных СМІ – столькі канспіралагічнага было напярэдадні нашай сустрэчы… Таму ўсё, што вы сказалі, вельмі важна. І яно, увогуле, адказвае на ўсе тыя выклікі і настроі ў СМІ».
«Перш за ўсё хачу вам падзякаваць. Гэта натуральна, гэта ўсе цудоўна разумеюць. Падзякаваць не за тое, што мы выконваем дагаворы. Гэта зразумела. Вы зрабілі вельмі па-чалавечы. Таму я асабіста вам дзякую і ўсім тым расіянам, хто меў дачыненне да таго, каб падтрымаць нас у гэты паслявыбарны час», – сказаў Аляксандр Лукашэнка.
Ён паабяцаў падрабязна расказаць Уладзіміру Пуціну аб тым, што адбывалася. «Яно, вядома, не так бачыцца на самай справе, як гэта дэманструюць у СМІ. Вы чалавек вопытны, не горш за мяне ведаеце, як можна паказаць, расказаць і гэтак далей, – заўважыў беларускі лідар. – І потым, у наш час інфармацыйных процістаянняў і войнаў вы ведаеце, як гэта падаецца. Таму я вас падрабязна інфармую аб тым, што адбываецца на самай справе, нават не ў Беларусі, а ў Мінску».
Аляксандр Лукашэнка падкрэсліў, што сябар пазнаецца ў бядзе. «Я гэта шчыра гавару. Гэта нам урок – не толькі Беларусі і Расіі, але і нашым постсавецкім рэспублікам. Аб гэтым мы будзем яшчэ гаварыць на суст­рэчы ЕАЭС, АДКБ, ды і ў рамках СНД ёсць аб чым пагаварыць. Думаю, вам цікава будзе мая зая­ва ў гэтых структурах, – сказаў Прэзідэнт. – Як мы з вамі па тэлефоне размаўлялі яшчэ ў пачат­ку гэтых падзей у Беларусі, што ўрокі трэба атрымліваць з усіх падзей. І для нас таксама вельмі сур’ёзны ўрок, які мы з вамі, спадзяюся, вытрымалі».
«Мы сапраўды па дагаворы АДКБ ішлі роўна і, улічваючы адносіны паміж брацкімі народамі, фактычна адным народам, мы так і зрабілі. Не ваявалі, не стралялі, не кідаліся нават палкамі. Але прадэманстравалі сваю рашучасць. Што калі там, за межамі беларускіх граніц, некаму хочацца пачасаць рукі, мы можам пачасаць у любы момант. І што мне вельмі прыемна, я вам вель­мі за гэта ўдзячны, – вы прадэманстравалі, што беларускія граніцы – гэта граніцы Саюз­най дзяржавы. І нікому не дазволена бразгаць там зброяй», – заявіў Аляксандр Лукашэнка.
Прэзідэнт таксама адзначыў, што пры стварэнні і развіцці дагавора аб Саюзнай дзяржаве бакі ішлі планамерна, паступова. «Нашы дзяржавы і нашы народы заўсёды будуць дружалюбнымі», – упэўнены беларускі лідар.

«Трэба цясней трымацца з нашым старэйшым братам»

Прэзідэнт Беларусі Аляксандр Лукашэнка бачыць неабходнасць у больш цесным супрацоўніцт­ве з Расіяй, у тым ліку ў сферы эканомікі. Аб гэтым ён заявіў на сустрэчы ў Сочы з Прэзідэн­там Расіі Уладзімірам Пуціным, перадае карэспандэнт БелТА.

«Эканоміка ляжыць у аснове ўсяго. І паверце, што мы заўсёды прытрымліваліся гэтай лініі. А вось гэтыя падзеі паказалі, што нам трэба цясней трымацца з нашым старэйшым братам і супрацоўнічаць па ўсіх пытаннях, у тым ліку і ў эканоміцы», – сказаў кіраўнік дзяржавы.

Што датычыцца эканомікі, Аляксандр Лукашэнка адзначыў, што 10 млн чалавек у Расіі працуюць на прадпрыемствах, якія ў той ці іншай ступені завязаны на кааперацыі з партнёрамі ў Беларусі. «Калі ў сярэднім 4 чалавекі ў сям’і, то 40 млн расіян. Гэта значыць, кааперацыя вельмі цесная. І вы абсалютна маеце рацыю. Мы ў гэтым напрамку будзем рабіць усё. Таму што ў нас уся краіна фактычна завязана на сыравіну, камплектуючыя, матэрыялы, супрацоўніцтва (з Расіяй. – Заўвага БелТА), я не гавару ўжо аб рынках. Асноўны рынак – 48 працэнтаў сваёй прадукцыі мы пастаўляем у Расійскую Федэрацыю», – заявіў беларускі лідар.
У сувязі з гэтым ён згадаў аб сваёй размове з прэм’ер-мініст­рам Венгрыі Віктарам Орбанам. «Я неяк у свайго таварыша Орбана спытаў аб супрацоўніцт­ве з іншымі краінамі, асабліва ў ЕС, у сувязі з яго асобай пазіцыяй. Ён мне назваў лічбу: па-мойму, да 90 працэнтаў, гаворыць, мы ганд­люем з Германіяй. Вось і ўвесь адказ на тваё пытанне, – ён мне гаворыць», – расказаў кіраўнік дзяржавы.
Аляксандр Лукашэнка нагадаў, што яшчэ да прэзідэнцкіх выбараў у Беларусі яны з Уладзімірам Пуціным дамаўляліся пасля электаральнай кампаніі актыўна заняцца пытаннямі эканамічных адносін. Было прапанавана, каб у Мінск прыехаў расійскі прэм’ер­міністр з членамі ўрада, правялі перагаворы. «Каб мы зноў не наступалі на граблі, звычайна спатыкаючыся на складаных пытаннях. Так, Міхаіл Мішусцін прыехаў у Мінск, мы з ім сустракаліся. Яны вельмі добрую работу правялі па ўсіх пытаннях, якія ляжалі на паверхні. Дамоўленас­цей дасягнулі. Некаторыя пытан­ні мы адклалі спецыяльна для сустрэчы прэзідэнтаў, каб іх абмеркаваць і прыняць рашэнне», – сказаў кіраўнік дзяржавы.

Прэзідэнт Беларусі Аляксандр Лукашэн­ка пацвярджае непахіс­насць беларуска-расійскага супрацоўніцтва ў ваеннай сферы
«Па абароне мы заўсёды прытрымліваліся з вамі, як людзі ваен­ныя, адной тактыкі. Я, можа, груба сказаў нядаўна расійскім журналістам: сабачыц­ца мы можам па любых пытаннях, спрачацца і гэтак далей, але абарона і бяспека ў нас ніколі не выклікала ніякіх спрэчак і сумненняў. Мы ні ў каго не павінны пытацца, праводзіць ці не праводзіць у нас вучэнні. Мы праводзілі і будзем праводзіць. Нехта хоча, няхай далучаец­ца да гэтых вучэнняў, хтось­ці не хоча, няхай не робіць гэтага, – сказаў Аляксандр Лукашэн­ка. – Я думаю, што, Уладзімір Уладзіміравіч, вы дадзіце ­каманду міністру абароны Расіі, а наш міністр ужо атрымаў такую ­каманду: мы сплануем на гады наперад гэтыя вучэнні, будзем іх канкрэтызаваць. І малыя, і вялікія вучэнні мы павінны праводзіць разам».
У сувязі з гэтым кіраўнік дзяржавы акцэнтаваў увагу на адным з урокаў цяперашняй сітуацыі ў Беларусі і вакол яе: «Ну навошта бразгаць гусеніцамі ля граніц Саюзнай дзяржавы і Беларусі (размова пра ваенныя манеўры заходніх краін і НАТА. – Заўвага БелТА)? Складаны перыяд, ну пацярпіце».
Аляксандр Лукашэнка прывёў канкрэтны прыклад – перакідка на палігон Пабрадзе ў Літве за 15 км ад дзяржаўнай граніцы амерыканскага танкавага батальёна. «Навошта гэта рабіць? Таму нам трэба не дапусціць памылак Вялікай Айчыннай вайны, калі ўсе ўціхамірвалі – правакацый не дапусціць, вайны не будзе і іншае… І мы аказаліся як ля разбітага карыта. Савецкая армія была, а прайшлі (нямецка-фашысцкія войс­кі. – Заўвага БелТА) Беларусь, нават практычна не паспелі сабрацца і супраціўляцца. Гналі нас аж да Смаленска, і толькі там змаглі неяк процістаяць гэтаму», – канстатаваў Прэзідэнт.

«Таму я лічу, што нам ні ў якім разе нель­га аглядвацца на тое, што нам скажуць. Яны з намі не лічацца. Яны не глядзяць на нашы насцярожанасці, праводзяць вучэнні тады, калі хочуць. Таму мы так­сама, калі вы падтрымаеце гэты тэзіс, не напружваючы абстаноўку вакол, будзем рыхтаваць свае арміі, каб калі, не дай бог, можна было гэтаму процістаяць», – падкрэсліў Аляк­сандр Лукашэнка.

«Што датычыцца ­ваеннага складніка, вы маеце рацыю, у нас ёсць план. Ён будзе рэалізаваны. На працягу года ў нас і на тэрыторыі Беларусі, і на тэрыторыі Расіі практычна кож­ны месяц прадугледжаны якія-небудзь мерапрыемствы. Як планавалі раней, так ўсё і будзем рабіць», – адрэагаваў Уладзімір Пуцін.

У сваім уступным слове ў пачатку перагавораў ён так­сама заявіў аб неабходнасці прадоўжыць узаемадзеянне Расіі і Беларусі ў абароннай сферы. «Я маю на ўвазе перш за ўсё абаронныя прадпрыем­ст­вы. Тут у нас таксама вялікая кааперацыя, прычым у даволі адчувальных галінах», – адзначыў ён.
«Ну і ў ваеннай таксама. Сён­ня, дарэчы, пачынаюцца запланаваныя яшчэ ў мінулым годзе ваенныя вучэнні, якія павінны прадоўжыцца некалькі дзён. Для ваенных людзей гэта ў вядомай ступені руцінная справа, яна звязана з падрыхтоўкай войскаў. Паўтараю яшчэ раз, каб не было ніякіх спекуляцый: гэта мерапрыемства, якое было запланавана і нават анансавана яшчэ ў 2019 годзе. Пасля выканання праграмы сумесных вучэн­няў расійскія падраздзялен­ні вернуцца да сваіх месцаў пастаян­най дыслакацыі», – дадаў Прэзідэнт Расіі.

Прэзідэнт таксама выказаўся наконт пратэстаў, якія перыядычна праходзяць у краі­не, і асабліва ў беларускай сталіцы.
«Не спрашчаю, але з усмеш­кай гляджу на тое: у нас у суботу марш жанчын і дзяўчат, а ў нядзелю агульны марш. У звычайныя (будныя. – Заўвага БелТА) дні краіна жыве звычайным жыццём. Ды і ў суботу і нядзелю. Частку Мінска мы вызваляем для таго, каб людзі маглі, калі ў іх ёсць жаданне, прайсціся», – расказаў Аляк­сандр Лукашэнка.
«Але галоўнае, я гэта пастаян­на гавару, – не пераходзіць рысу. Ёсць чырвоная лінія (вам таксама гэта знаёма і вядома больш, чым мне, вам давялося гэтыя лініі праводзіць па Чачні перш за ўсё, калі вы сталі яшчэ зусім маладым Прэзідэнтам). Не дай бог, вядома, гэта ў Беларусі. Але тым не менш ёсць пэўныя чыр­воныя лініі, якія ніхто не мае права пераходзіць. Пакуль гэтыя чырвоныя лініі ніхто не парушаў», – дадаў Прэзідэнт.

Прэзідэнт не выключае, што другая хваля каранавіруса ў Еўропе будзе мацнейшая за першую.
«Што датычыцца каранавіруса, я вам удзячны, і мы гэта вельмі цэнім, што вы паставілі нас на першы радок у забеспячэнні вакцынай (раней бакі дамовіліся, што Беларусь будзе першай краінай, куды Расія паставіць распрацаваную вакцыну. – Заўвага БелТА). Вы бачыце, што адбываецца ў Еўропе. Ужо адназнач­на пачалася моцная другая хваля. Баюся, што яна будзе больш моцная, чым першая. Ужо бачу гэтыя тэндэн­цыі, мы сочым за імі», – сказаў кіраўнік дзяржавы.
Разам з тым ён адзначыў, што ў Беларусі гэтага ўсплёску, як у шэрагу краін Еўропы, няма. «Але гэта не значыць, што мы рукі апусцілі. Мы вельмі сур’ёзна рыхтуемся да таго, каб не атрымаць гэту хвалю. Што абнадзейвае, нашы спецыялісты, вучоныя заўважылі: гэта вірус ужо не той. Але баюся, што гэты вірус будзе накладвацца на розныя грыпозныя вірусы, якія ходзяць тут. Таму нам з вамі нельга расслабляцца», – заявіў Аляксандр Лукашэнка.
Уладзімір Пуцін у сваім уступным слове таксама закрануў тэму барацьбы з каранавірусам. «Як дамовіліся нашы прэм’ер-міністры, а затым і міністры аховы здароўя, Беларусь будзе першай краінай, якая атрымае нашу антывірусную вакцыну супраць COVID-19, і пачала ўжо ўдзель­нічаць у апошняй стадыі яе выпрабаванняў. Думаю, што гэта дасць нам магчымасць не толькі наладзіць адпаведную вытворчасць, але і забяспечыць патрэбны для нашых грамадзян, для іх бяспекі ўзровень вакцынацыі і барацьбы з гэтай хваробай», – сказаў расійскі лідар.

Расія
выканае
абавязацельствы

Расія разглядае Беларусь як бліжэйшага саюзніка і выканае ўсе ўзятыя абавязацельствы.
«Расія застаецца прыхільнай усім нашым дамоўленасцям, уключаючы дамоўленасці, якія вынікаюць з дагавора аб Саюзнай дзяржаве, АДКБ. Мы разглядаем Беларусь як нашага бліжэйшага саюзніка і, безумоўна, як я ўжо вам гаварыў неаднаразова ў тэлефонных размовах, выканаем усе ўзятыя намі на сябе абавязацельствы», – заявіў расійскі лідар.
Ён адзначыў, што адпавед­ныя абавязацельствы былі ўзяты краінамі ўзаемна, і гэта адбылося яшчэ да яго прэзідэнцтва. «Але гэта не мае значэння. Мае значэнне тое, што дзяржава – Расія – узяла на сябе пэўныя абавязацельствы. І незалежна ад таго, хто знаходзіцца ва ўладзе ў гэты момант часу, краіна павінна гэтыя абавязацельствы выконваць. Мы неаднаразова заяўлялі, што мы так і будзем рабіць», – падкрэсліў Уладзімір Пуцін.

Расія плануе прадаставіць Беларусі крэдыт $1,5 млрд. Аб гэтым заявіў Прэзідэнт Расіі Уладзімір Пуцін.
«Мы дамовіліся аб тым, што Расія прадаставіць Беларусі ў гэты складаны момант дзяржаўны крэдыт у памеры 1,5 млрд. І мы гэта выканаем. Цяпер, наколькі вядома, нашы міністры фінансаў вядуць наконт гэтага работу на прафесійным узроўні», – сказаў Прэзідэнт Расіі.
Ён адзначыў, што крэдыт плануецца прадаставіць у бліжэйшы час. «Спадзяюся, што гэта адпаведным чынам паўплывае на фінансавыя рынкі», – заявіў Ула­дзімір Пуцін.
Паводле БелТА.

Добавить комментарий